Cüdo üzrə kişilərdən ibarət Azərbaycan millisinə yeni baş məşqçi təyin olunub.
Bizim.Media xəbər verir ki, yığmamızı almaniyalı Riçard Trautman çalışdıracaq. Bu barədə Azərbaycan Cüdo Federasiyasının İcraiyyə Komitəsinin bugünkü iclasında bildirilib. Trautman vəzifəsinin icrasına martın 1-də başlayacaq.
Kişilərdən ibarət yığmanın hazırkı baş məşqçisi Mövlud Mirəliyev isə yığmada böyük məşqçi kimi fəaliyyət göstərəcək.
Qeyd edək ki, Riçard Trautman 1992 və 1996-cı illərdəki Yay Olimpiya Oyunlarında bürünc medal qazanıb. 53 yaşlı mütəxəssis məşqçilik fəaliyyətinə 2001-ci ildə başlayıb.
Trautman həmin il ölkəsində yığmanın köməkçi məşqçisi olub. Baş məşqçi 2005 - 2008-ci illərdə yeniyetmələrdən ibarət komandaya, 2009 - 2016-cı illərdə gənclərdən ibarət yığmaya, 2016 - 2021-ci illərdə isə böyüklərdən ibarət milliyə rəhbərlik edib.
Bizim.Media
- A-
- A
- A+
İdman
11:01 / 28.02.2022
Cüdo millimizdə alman baş məşqçi - TƏYİNAT
Hazırda oxunan: Cüdo millimizdə alman baş məşqçi - TƏYİNAT
Hazırda oxunan: Cüdo millimizdə alman baş məşqçi - TƏYİNAT
62297
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
