Azərbaycan millisi evdə Lüksemburqa 1:3 hesabı ilə uduzdu - YENİLƏNİB

Hazırda oxunan: Azərbaycan millisi evdə Lüksemburqa 1:3 hesabı ilə uduzdu - YENİLƏNİB

45623

90+1-də qonaqlar qapımıza 3-cü qolu vurub. Belə ki, Jerson Rodrigeş dubl edib.

***

Matçın 81-ci dəqiqəsində Azər Salahlı hesab arasındakı fərqi azaldıb.

***

Qarşılaşmanın 77-ci dəqiqəsində qonaqlar 2-ci qolu qapımıza vurub.

***

Oyunda hesab açıldı. Qonaqlar matçın 67-ci dəqiqəsində Jerson Rodrigeşin qolu ilə önə keçdi.

***

Millimizin futbolçusu Tellur Mütəllimov meydandan qovulub.

Müdafiəçi qonaqların yarımmüdafiəçisi Olivye Tillə qarşı kobud oynadığı üçün birbaşa qırmızı vərəqə alıb.

***

Futbol üzrə Azərbaycan millisi bu gün DÇ-2022-nin seçmə mərhələsində son oyununu keçirir.

Bizim.Media xəbər verir ki, A qrupunda mübarizə aparan millimiz Lüksemburq yığmasını qəbul edir.

Bakı Olimpiya Stadionunda oynanılacaq qarşılaşma saat 21:00-da başlayacaq. Görüşün baş hakimi avstriyalı Manuel Şüttenqruberdir.

Qrupdakı son oyun öncəsi Azərbaycan millisi 1 xalla sonuncu, Lüksemburq isə 6 xalla 3-cüdür.

Qeyd edək ki, qrupun digər oyununda Portuqaliya millisi İrlandiyanın qonağı olacaq.

Bizim.Media