"Qarabağ" UEFA Konfrans Liqasının qrup mərhələsində məğlub olmayan 10 komandadan biridir.
Bizim.Media qurumun saytına istinadən xəbər verir ki, aktivində 2 qələbə və 1 heç-heçə olan Ağdam təmsilçisi yalnız Belçika "Gent"indən geri qalır.
Sözügedən kollektiv B qrupunda keçirdiyi 3 görüşün hamısından qələbə ilə ayrılıb.
Siyahıda "Qarabağ" və "Gent"lə yanaşı, Avstriyanın LASK, İsveçrənin "Bazel", Norveçin "Budyo Qlimt", İsrailin "Makkabi" (Təl-Əviv), Fransanın "Lill", Yunanıstanın PAOK, Niderlandın "Feyenoord" və AZ klubları da var.
Qeyd edək ki, "Qarabağ" ötən gün Tofiq Bəhramov adına Respublika stadionunda Qazaxıstan "Kayrat"ı üzərində 2:1 hesablı əzmkar qələbə qazanıb.
Bizim.Media
