“Əl Nəsr” Ronaldonu sifariş etdi

Portuqaliyalı ulduz futbolçu Ronaldonun yeni klubunda oynamaq üçün intizarı nəhayət ki, başa çatır.

Bizim Media xəbər verir ki, "Əl Nəsr" Ronaldonu nəhayət ki, sifariş edə bildi. 

Bunun üçün klubun kamerunlu hücumçusu Vinsan Abubakar icarə əsasında başqa komandaya göndərilir. 

Qeyd edək ki, legioner limiti səbəbindən Ronaldonun heyətə salınması üçün mütləq bir əcnəbi futbolçunun komandadan getməsi lazım idi. 

“Mançester Yunayted”dən qalmaqallı şəkildə ayrılan ulduz futbolçu Dünya Çempionatından sonra Səudiyyə Ərəbistanının “Əl Nəsr” klubu ilə müqavilə bağlayıb. O, ilinə 200 milyon avro maaşla dünyanın ən çox qazanan futbolçusu olub.

Rəşad Rafiqoğlu, Bizim.Media