Gürcüstanın hava məkanı ilə mümkün hərbi daşınmalar barədə yayılan məlumatlar spekulyasiyadır”.Bu barədə Gürcüstan Xarici İşlər Nazirliyi açıqlama verib.
“Təəssüf ki, son günlər mətbuatda Gürcüstanın hava məkanından mümkün hərbi daşınmalarla bağlı fərziyyələr davam edir. Bildiyiniz kimi, Gürcüstan hava sahəsini hərbi uçuşlar üçün bağladı və bu barədə açıq şəkildə bildirdik”. Mülki və humanitar uçuşlara gəlincə, məlumatda Gürcüstanın bu istiqamətdə beynəlxalq öhdəlikləri yerinə yetirdiyi xüsusi vurğulanır. Gürcüstan hava məkanında uçuşlar da beynəlxalq normalara və ICAO qaydalarına tam uyğundur. “ Gürcüstan hava məkanı ilə uçuşlar həyata keçirən tərəflər Çikaqo Konvensiyasının tələblərinə uyğun mülki uçuşlar həyata keçirməkdə məsuliyyət daşıyırlar və əgər bununla əlaqədar pozuntu aşkarlanarsa, əsaslı dəlillər varsa, rəsmi Tbilisi sərt reaksiya göstərəcək və qanun pozuntusuna yol verilmiş tərəf beynəlxalq hüquqa uyğun cavab verəcək”.
