Belarus xüsusi təyinatlıları Ukraynaya qarşı hərbi əməliyyatlarda iştirak etməkdən imtina edib.
Bizim.Media xəbər verir ki, bu barədə Ukrayna Silahlı Qüvvələrinin Baş Qərargahı martın 14-də saat 6:00-a olan xülasədə məlumat yayıb.
“Belarus Respublikası silahlı qüvvələrinin yüksək rütbəli rəsmilərindən birinin bəyanatına görə, xüsusi təyinatlılar Ukrayna ilə müharibədə iştirak etməyəcək”, - məlumatda deyilir.
Martın 12-də Ukrayna Milli Təhlükəsizlik və Müdafiə Şurasının katibi Aleksey Danilov bildirib ki, Belarus ordusunun Ukraynaya qarşı müharibədə iştirak təhlükəsi qalmaqdadır.
Onun sözlərinə görə, Aleksandr Lukaşenko hələ də Belarus ordusunu döyüşə göndərməyə cəsarət etmir.
Bizim.Media
