Belarus prezidenti Aleksandr Lukaşenko ümid edir ki, Pripyatda Rusiya-Ukrayna danışıqları zamanı böhran məsələlərinin həlli yollarını tapmaq mümkün olacaq.
Bizim.Media BelTA agentliyinə istinadən xəbər verir ki, bunu Belarusun xarici işlər naziri Vladimir Makey Rusiya və Ukrayna arasında danışıqlar başlamazdan əvvəl deyib.
MÖVZU İLƏ BAĞLI:
Rusiya-Ukrayna danışıqları başladı - Nümayəndə heyətlərində kimlər var? - VİDEO
"Prezident Lukaşenko səmimi qəlbdən ümid edir ki, bugünkü danışıqlar zamanı bütün böhranlı məsələlərin həlli yollarını tapmaq mümkün olacaq. Və bütün belaruslar bunun üçün dua edir. Bugünkü görüşün təşkili ilə bağlı istənilən xahiş və təklifləriniz qəbul ediləcək və həyata keçiriləcək. Biz Nəticəni gözləyirik”, - deyə nazir bildirib.
Xatırladaq ki, Rusiya və Ukrayna nümayəndə heyətləri bu gün ilk danışıqlarını aparır. Tərəflərin görüşü Belarusun Qomel vilayətində, Pripyat sahilində keçirilir.
Bizim.Media
