İsrail ordusunun Xameneinin öldürülməsi əməliyyatında iştirak etdiyi deyilən bir kəşfiyyat zabitinin aylıq maaşının 9 600 şekel, yəni təxminən 3 min dollar olduğu iddia edilir.
Bizim.Media xəbər verir ki, yayılan məlumata görə, söhbət İsrail ordusunun xüsusi bölmə komandirindən gedir və onun ailəsindən iki aydır uzaqda olduğu, hamilə həyat yoldaşının isə iki qız övladına baxdığı bildirilir.
Lakin bu məlumatın rəsmi təsdiqi yoxdur. Üstəlik, hazırda İranın yeni ali lideri kimi təqdim olunan Müctəba Xameneinin ölümü ilə bağlı rəsmi təsdiq verilməyib.
Reuters-in martın 11-də yaydığı məlumata görə, İran rəsmisi onun yüngül yaralandığını, amma fəaliyyətini davam etdirdiyini bildirib. Martın 14-də İranın xarici işlər naziri Abbas Əraqçi də onunla bağlı “heç bir problem olmadığını” deyib.
Bununla yanaşı, Reuters fevralın 28-də ABŞ-İsrail zərbələri nəticəsində İranın əvvəlki ali lideri Ayətullah Əli Xameneinin öldüyünü yazıb. Buna görə “Xameneini öldürən israilli kəşfiyyatçı” ifadəsi yayılan mətndə hansı şəxsə istinad edildiyi baxımından da qarışıq və mübahisəli görünür.
Bizim.Media
