BƏƏ-də 6 yüksək rütbəli CIA əməkdaşı öldürülüb – İranın iddiası

Hazırda oxunan: BƏƏ-də 6 yüksək rütbəli CIA əməkdaşı öldürülüb – İranın iddiası

599073

İranın İslam İnqilabı Keşikçiləri Korpusu (SEPAH) Birləşmiş Ərəb Əmirliklərində (BƏƏ) 6 yüksək rütbəli Mərkəzi Kəşfiyyat İdarəsi (CIA) əməkdaşının məhv edildiyini iddia edib.

Bizim.Media xəbər verir ki, bu barədə informasiyanı İranın Tasnim News Agency agentliyi yayıb.

Məlumata görə, SEPAH tərəfindən BƏƏ ərazisinə endirilən raket zərbəsi nəticəsində CIA əməkdaşlarının yerləşdiyi obyekt vurulub. İran tərəfi 6 nəfərin öldüyünü, daha 2 nəfərin yaralandığını bildirir.

Bundan əvvəl də İran mənbələrində BƏƏ-də CIA bazasının raket hücumu ilə hədəfə alındığı barədə məlumatlar yayılmışdı.

Hazırda ABŞ tərəfindən bu iddia ilə bağlı rəsmi təsdiq verilməyib.

BƏƏ rəsmiləri hadisə barədə açıqlama yaymayıblar.

Müstəqil beynəlxalq mənbələr xəbəri təsdiqləməyib.

Qeyd etmək lazımdır ki, belə bir hadisə baş versəydi, regionda və beynəlxalq təhlükəsizlik mühitində ciddi rezonans doğurardı. Buna görə də məlumat hələlik yalnız İran mənbələrinin iddiası səviyyəsində qiymətləndirilir.

Bizim.Media