II Yelizaveta xalqa müraciət etdi  - Növbəti kraliça kim olacaq?

Böyük Britaniya Kraliçası II Yelizaveta taxta çıxmasının 70-ci ildönümü ərəfəsində göstərdiyi dəstəyə görə ictimaiyyətə və ailəsinə təşəkkür edib. 

Bizim.Media RİA Novosti agentliyinə istinadən xəbər verir ki, bu haqda informasiyanı Bukingem Sarayı yayıb.

MÖVZU İLƏ BAĞLI:

Kraliça yubileyini tort kəsərək qeyd etdi - VİDEO

II Yelizaveta xatırladıb ki, 21-ci ad günündə o, Böyük Britaniyaya üz tutaraq belə demişdi:

“Hamınıza bəyan edirəm ki, bütün həyatımı (uzun və ya qısa) sizə xidmət etməyə həsr edəcəyəm”. 

O, "platin" yubileyinin qeyd olunduğu 2022-ci ilə "ümid və nikbinliklə baxdığını" deyib.

II Yelizaveta vurğulayıb ki, son 70 il özünü "qeyri-adi sosial, texnoloji və mədəni tərəqqi" ili kimi göstərib.

Kraliça əmin olduğunu ifadə edib ki, "gələcək də oxşar imkanlar yaranacaq", xüsusən də "Birləşmiş Krallıqda və Birlik ölkələrində yaşayan gənclər üçün".

O, həmçinin əri Şahzadə Filipin xatirəsini ehtiramla yad edib.

II Yelizaveta xalqa müraciətində daha sonra bunları deyib:

“Mənə göstərdiyiniz sədaqət və məhəbbətə görə həmişəlik minnətdaram və sizə borcluyam. Və bilirəm ki, oğlum Çarlz taxta çıxanda mənə verdiyiniz dəstəyi ona da verəcəksiniz.

Bizim.Media