Zelenski Şmıqala Ukraynanın yeni müdafiə planını hazırlamağı TAPŞIRDI

Ukrayna prezidenti Volodimir Zelenski Ukrayna müdafiə naziri Denis Şmıqala ölkənin müdafiə planının, döyüşlərin gedişi və yenilənmiş prioritetlər nəzərə alınmaqla hazırlanması tapşırığını verib.

Bizim.Media xəbər verir ki, dövlət başçısı bu barədə nazirin hesabatı əsasında Telegram-da məlumat verib.

“Bir neçə əsas element var. Artıq Ukraynanın müdafiəsi üzrə əsas sənədləri, xüsusən də dövlətimizin müdafiə planını dəyişməyin vaxtıdır”, — deyə o bildirib.

Prezidentin sözlərinə görə, döyüşlərin gedişi göstərib ki, hansı sahələr yenilənmiş prioritetlər olmalıdır:

“Razılaşdıq ki, Denis dəyişikliklər üçün ətraflı təkliflər hazırlayacaq və onları Ukrayna Nazirlər Kabinetinə təsdiq üçün təqdim edəcək”.

O, həmçinin vurğulayıb ki, Ukrayna hökuməti və Müdafiə Nazirliyi döyüş briqadaları üçün, xüsusən dronların alınmasını da əhatə edən zəruri maliyyəni tam təmin edir və dünən döyüş briqadaları üçün növbəti aylıq subvensiya tranşını 4,3 milyard qrivna məbləğində maliyyələşdirib.

Bizim.Media