Azərbaycanlı Ukraynada energetika nazirinin müavini təyin olunub.
Bizim.Media-nın məlumatına görə, bu posta Fərid Kamil oğlu Səfərov gətirilib.
O, bu təyinatadək Ukrayna İnfrastruktur Nazirliyində Rəqəmsal İnfrastruktur Departamentinin direktoru işləyib.
F.Səfərov əslən Azərbaycanın Gəncə şəhərindəndir.
O, 1991-ci il sentyabrın 20-də Kiyevdə anadan olub. 2014-cü ildə Taras Şevçenko adına Kiyev Milli Universitetində “Beynəlxalq hüquq” ixtisası üzrə magistratura təhsili alıb. 2015-ci ildə Vadim Hetman adına Kiyev Milli İqtisad Universitetində “Beynəlxalq biznes” ixtisasına yiyələnib.
Qeyd edək ki, Fərid Səfərov Ukrayna Azərbaycanlı Gənclər Birliyinin idarə heyətinin üzvüdür. Atası Səfərov Kamil isə Ukraynada Azərbaycan Diasporunun tanınmış simalarındandır.
Bizim.Media
