Qalmaqallı şəkildə boşanan aktyor Conni Depp ilə Amber Hard arasındakı mübahisə davam edir.
Bizim.Media xəbər verir ki, aktyor keçmiş həyat yoldaşının telefon qeydlərinin yoxlanılmasını tələb edib.
Deppin vəkilləri Amberin yayımladığı zorakılıq fotolarının uydurma olduğunu bildirib. "The Sun" nəşri tərəfindən dərc olunan materialların saxta olması səbəbindən Conni 50 milyon dollarlıq təzminat davası açıb.
O, Amberin telefon zəngləri və yazışmalarının həqiqəti sübut edəcəyini açıqlayıb. Məhkəmə məlumatların araşdırılmasına razılıq verib.
Qeyd edək ki, cütlük 2017-ci ildə ayrılıb. Lakin Amberin ulduz haqqında irəli sürdüyü iddialar məhkəmə çəkişmələrinin qalmasına və aktyorun karyerasının zədələnməsinə səbəb olub.
Bizim.Media
