“Terrorçular bu gün görkəmli bir İran alimini öldürdülər. Burada İsrailin rolunun olması ilə bağlı ciddi göstəricilər var".
"İran beynəlxalq ictimaiyyəti və xüsusən də Aİ-ni biabırçı ikili standartlarına son qoymağa və bu dövlət terror aktını qınamağa çağırır”.
Bizim.Media xəbər verir ki, bunu İranın Xarici işlər naziri Məhəmməd Cavad Zərif bu gün sui-qəsdə uğrayan iranlı nüvə aliminin ölümü ilə bağlı tvitter hesabında münasibət bildirərkən qeyd edib.
Qeyd edək ki, bu gün İran İslam İnqilabı Keşikçiləri Korpusunun yüksək vəzifəli üzvü və İran nüvə proqramının əsas aparıcı kadrı Möhsün Fəxrizadə sui-qəsd nəticəsində öldürülüb.
Bizim.Media