ABŞ Prezidenti Donald Tramp Səudiyyə Ərəbistanına rəsmi səfər edib.
Bizim.Media xəbər verir ki, bu barədə məlumatı “Al Arabiya” telekanalı yayıb.
Bildirilib ki, ABŞ liderinin təyyarəsi Ər-Riyad hava limanında yerə enib.
Bu, Trampın yanvarda ABŞ prezidenti postuna yenidən gəldikdən sonra ilk dövlət səfəridir.
Trampı Ər-Riyadda vəliəhd şahzadə Məhəmməd bin Salman şəxsən qarşılayıb. Bu, çox nadir haldır, çünki adətən xarici liderləri hava limanında əyalət rəhbəri qarşılayır.
Tramp Tesla şirkətinin baş direktoru və müşaviri İlon Maskın da daxil olduğu nüfuzlu Amerika biznes liderlərinin müşayiəti ilə əvvəlcə Səudiyyə-Amerika İnvestisiya Forumunun keçirildiyi Ər-Riyada, daha sonra çərşənbə günü Qətərə və cümə axşamı Birləşmiş Ərəb Əmirliklərinə səfər edəcək.
Bizim.Media
