Rusiyanın “Airbus A321” sərnişin təyyarəsi Misirin Şarm əl-Şeyx şəhərinin hava limanına məcburi eniş edib.
Bizim.Media xəbər verir ki, bu barədə Misirin Mülki Aviasiya Nazirliyi məlumat yayıb.
“Rusiya təyyarəsi yaranan texniki nasazlıq səbəbindən geri qayıtması tələb olunduqdan sonra Şarm əl-Şeyx Beynəlxalq Hava Limanına təhlükəsiz eniş edib”, - nazirlik bildirib.
Təyyarə Şarm əl-Şeyxdən Yekaterinburq şəhərinə uçurmuş və göyərtəsində 236 sərnişin olub.
Xatırladaq ki, dünən Volqoqraddan Yekaterinburqa uçan “NordStar Airlines”ə məxsus sərnişin təyyarəsi də təcili eniş etmişdi.
Bizim.Media
