İranın keçmiş prezidenti İbrahim Rəisinin həlak olduğu helikopterin qəzaya uğramasının əsas səbəbi çətin iqlim şəraiti olub.
Bizim.Media İran mətbuatına istinadən xəbər verir ki, bu barədə İran Silahlı Qüvvələri Baş Qərargahının yekun hesabatında bildirilib.
“Helikopterin qəzaya uğramasına əsas səbəb yaz aylarında bölgənin çətin iqlim şəraiti, yəni yüksəkliyə qalxarkən qəfil sıx duman kütləsinin əmələ gəlməsi və nəticədə helikopterin dağla toqquşması olub” - hesabatda qeyd edilib.
Xatırladaq ki, bu il mayın 19-da İran Prezidenti İbrahim Rəisi və onu müşayiət edən 8 nəfər helikopter qəzası nəticəsində həlak olub.
Bizim.Media
