Tramp: “Putinə xəbərdarlıq etdim ki...”

ABŞ-ın keçmiş prezidenti Donald Tramp iddia edir ki, Rusiya lideri Vladimir Putinlə şəxsi söhbətində ona xəbərdarlıq edib ki, Rusiya hər hansı ölkəni ələ keçirsə, Moskva hücuma məruz qalacaq.

Bizim.Media xəbər verir ki, Amerika administrasiyasının keçmiş rəhbəri bu barədə Vaşinqton ətrafında Respublikaçılar Partiyasının mühafizəkar dairələrinin illik konfransında danışıb.

“Mən dedim ki, Vladimir, bunu etmə, bilirsən ki, biz dostuq, ölkələri ələ keçirmə, çünki o zaman Moskva ağır zərbə altında qalacaq. Təbii ki, Rusiya lideri mənə inanmadı”, - Tramp hansı zərbənin olduğunu açıqlamayıb.
Eyni zamanda, eks-prezident bildirib ki, əgər yenidən prezident seçilərsə, Amerika hökumətindən müharibəni qızışdıranları və qlobalistləri qovacaq.

Bizim.Media