Xəbər verildiyi kimi Şirvanda yenicə ana olmuş gənc qadın qəfil dünyasını dəyişib.
Tibbi Ərazi Bölmələrinin İdarəetmə Birliyi (TƏBİB) Bizim.Media-nın sorğusna cavab olaraq gənc qadının ölüm səbəbi ilə bağlı açıqlama verib.
Qeyd olunub ki, 2001-ci il təvəllüdlü vətəndaş 05.09.2022-ci il tarixində saat 10:00 radələrində Şirvan Rayon Müalicə Diaqnostika Mərkəzində öd daşı xəstəliyi diaqnozu ilə xolesistektomiya əməliyyatı olunub. 2 saata yaxın baş tutan əməliyyat sonrası vətəndaşın vəziyyəti stabil olub.
MÖVZU İLƏ BAĞLI:
Yenicə ana olan qadının müəmmalı ölümünün DETALLARI - FOTO
Daha sonra 15:00 radələrində vətəndaşın səhhəti qəfil pisləşdiyindən Reanimasiya şöbəsinə yerləşdirilib.
Həkimlərin səylərinə baxmayaraq, o dünyasını dəyişib. Ölüm səbəbi aidiyyəti qurumlar tərəfindən araşdırılır.
Qeyd edək ki, Zivər Mirzəyeva Şirvan şəhər N.Quliyeva adına 9 nömrəli tam orta məktəbin ibtidai sinif müəllimi Sevinc Mirzəyevanın qızıdır.
Alçina Amilqızı, Bizim.Media
