Yol polisindən sürücülərə vacib AÇIQLAMA 

"Hərəkət iştirakçılarımızı səbrli, təmkinli olmağa çağırırıq”.

Bunu Bizim.Media-ya açıqlamasında Bakı şəhər Dövlət Yol Polisinin  əməkdaşı, polis leytenantı Rüstəm Əhmədli “Formula Azerbaijan Grand Prix 2022” yarışı ilə bağlı danışarkən qeyd edib.

O, formulanın dövlət əhəmiyyətli tədbir olduğunu nəzərə alaraq əvvəlcədən vəziyyətin düzgün dəyərləndirilməsi, vətəndaş həmrəyliyi nümayiş etdirilməsinə görə bütün hərəkət iştirakçılarına, sürücülərə isə anlayışına görə təşəkkür edib:

"Hazırda paytaxtın "Azneft" dairəsi, eləcə də Neftçilər prospekti boyunca qoyulan baryerlər bu istiqamətdə süni sıxlıq yaşatdığından cənubdan hərəkətdə olan nəqliyyatın istiqamətinin dəyişdirilməsinə səbəb olur. Ona görə də bu istiqamətə doğru hərəkət edən sürücülərdən xahiş edirik ki, Lökbatan dairəsindən 3-cü Kənar Dairəvi yolla hərəkət etsinlər”. 

Xatırladaq ki, formula ilə bağlı paytaxtda hazırlıq dövrü keçirilir. Tədbir keçiriləcək marşrut üzrə yollarda hərəkət istiqamətində zolaqların azalması, baryerlərin qoyulması süni sıxlıqların yaranmasına səbəb olur.

Alçina Amilqızı, Bizim.Media