Ukraynadan gəlmiş mingəçevirlilər geri dönür – Bilet satışında ARTIM

Hazırda oxunan: Ukraynadan gəlmiş mingəçevirlilər geri dönür – Bilet satışında ARTIM

74333

Ukraynaya evinə və işinə dönmək istəyən mingəçevirlilərin sayında artım müşahidə olunur.

Bizim.Media-nın məlumatına görə, son günlərdə hava yolları ilə Kiyev istiqamətinə uçuş biletlərinin sayı 60-a çatıb.

MR Travell-in təmsilçisi Rüfət Mustafayevin verdiyi məlumata görə, Ukraynaya qayıtmaq niyyətində olan şəxslərin sayı çoxalıb:

“Təyyarə biletlərinin qiymətləri xeyli artıb. Hazırda biletlər bahadır. Kiyevə getmək istəyənlər Bakı-İstanbul-Kişinyov-Kiyev marşrutundan istifadə etmək məcburiyyətindədirlər".

R.Mustafayevin sözlərinə görə, qiymətlər yüksəkdir və vətəndaşlar öncədən sifariş etməsələr, bilet tapmaq çətin olur. "Tbilisiyə biletin qiyməti 150-200 manat civarında dəyişir. Bu marşrutla uçmaq üçün ən az 5-7 gün öncədən bilet bron edilməlidir, əks halda uçmaq mümkün olmur".
Qeyd edək ki, müşahidələrə əsasən ən çox uçuş Rusiya-Moskva istiqamətində qeydə alınır. Bu istiqamətdə birtərəfli uçuş biletlərinin qiymətləri minimum 550 manatdan başlayır.

Ehtiram Muradov, Bizim.Media, Mərkəzi Aran bürosu