Göygöldə xəsarətlə nəticələnən yol qəzası baş verib.
Bizim.Media-nın Gəncə bürosunun məlumatına görə, hadisə rayonun mərkəzi küçəsində qeydə alınıb.
Gəncə şəhər sakini, 1991-ci il təvəllüdlü Tural Qasımov motosikletlə hərəkətdə olan zaman idarəetməni itirib və nəticədə motosiklet yoldan çıxaraq aşıb.
Qəza zaman motosikletin sürücüsü xəsarət alıb. Hadisə yerinə tibbi yardım briqadası cəlb olunub. Zərərçəkən xəstəxanaya yerləşdirilib, ona ilkin tibbi yardım göstərilib. Yaralının vəziyyətinin kafi olduğu bildirilir.
Faktla bağlı araşdırma aparılır.
Məqsəd Rəhimov, Bizim.Media
