Naxçıvanda məktəb binası uçdu - 4 ölü, 1 yaralı var - RƏSMİ AÇIQLAMA - FOTO

Hazırda oxunan: Naxçıvanda məktəb binası uçdu - 4 ölü, 1 yaralı var - RƏSMİ AÇIQLAMA - FOTO

67391

Nehrəmdə məktəbdə baş verən uçqun nəticəsində ölənlərin şəxsiyyəti məlum olub.

Bizim.Media verir ki, bu barədə Baş Prokurorluğun mətbuat xidməti məlumat yayıb.

Bildirilib ki, martın 31-i saat 12 radələrində Naxçıvan Muxtar Respublikasının Babək rayon Nehrəm qəsəbəsi 3 saylı tam orta məktəbində aparılan yenidənqurma işləri ilə əlaqədar binanın bir hissəsinin uçması nəticəsində Dövlət Şəhərsalma və Arxitektura komitəsinin Babək rayon idarəsində fəhlə işləyən üç nəfər şəxs hadisə yerində ölüb, bir nəfər isə müxtəlif dərəcəli bədən xəsarətləri alaraq xəstəxanaya yerləşdirilib.

Axtarış-xilasetmə tədbirləri nəticəsində dağıntılar içərisində daha bir nəfərin cəsədi aşkar edilərək çıxarılıb.

Həlak olan şəxslər:

- 2000-ci il təvəllüdlü Qadir Süleymanov,

- 1972-ci il təvəllüdlü Həsən Əliyev,

- 1961-ci il təvəllüdlü İbrahim Məhərrəmov,

- 1988-ci il təvəllüdlü Asəf Rüstəmov.

Xəsarət alan şəxs:

- 1996-cı il təvəllüdlü Alı Əliyev.

Hazırda Babək Rayon Prokurorluğunda araşdırma davam etdirilir. İctimaiyyətə əlavə məlumat veriləcəkdir.

Bizim.Media