8 Mart – Beynəlxalq Qadınlar Günü ərəfəsində sizi sürücülüyü hobbi yox, peşə kimi seçən bir qadınla tanış edəcəyik. Söhbət Qubanın İkinci Nügədi kəndində doğulub boya-başa çatan, ömrünün 72-ci baharını yaşayan Nuriyyə Abdullayevadan gedir.
Düz 50 il sükan arxasında olan Nuriyyə xanım bölgədə qadın sürücülər arasında adını tarixə yazdırıb.
Uşaqlıqdan sürücü olmaq arzusu ilə yaşayan Nuriyyə Abdullayeva deyir ki, bu istəyin yaranmasına məşhur “Əhməd haradadır?” filmi səbəb olub. Nuriyyə xanım filmdəki Nərgiz xalanın maşın idarə etməsini dəfələrlə izlədiyini və məhz o vaxtdan sürücü olmağa qərar verdiyini bildirir.
Sürücülük fəaliyyətində ilk olaraq yük avtomobili idarə edən Nuriyyə Abdullayeva 10 il taksi, sonradan avtobus sürücüsü kimi fəaliyyət göstərib.
Ətraflı Bizim.Media-nın videosüjetində:
Aytəkin Alxaslı, İntiqam İbrahimov, Bizim.Media, Şimal bürosu
