Birləşmiş Ərəb Əmirlikləri Azərbaycanı “təhlükəsiz ölkələr” siyahısına saldı – Bu gündən etibarən…

Hazırda oxunan: Birləşmiş Ərəb Əmirlikləri Azərbaycanı “təhlükəsiz ölkələr” siyahısına saldı – Bu gündən etibarən…

52536

Birləşmiş Ərəb Əmirliklərinin (BƏƏ) paytaxtı Əbu-Dabinin Mədəniyyət və Turizm Departamenti Azərbaycanı təhlükəsiz səyahət istiqamətləri siyahısına salıb.

Bizim.Media xarici KİV-lərə istinadən xəbər verir ki, BƏƏ-nin paytaxtı Əbu-Dabinin Mədəniyyət və Turizm Departamenti Afrika və Latın Amerikasının bir sıra ölkələri istisna olmaqla təhlükəsiz səyahət istiqamətləri siyahısını yeniləyib.

Departament “yaşıl” adlanan siyahıdakı 95 ölkənin sayını 73-ə endirib.

Adları “yaşıl” siyahıya salınan ölkələrdən BƏƏ-yə gələn səyahətçilərin karantindən keçməsinə ehtiyac yoxdur.

Təhlükəsiz ölkələr siyahısına Azərbaycanla yanaşı, Belarus, Gürcüstan, İsrail, Qazaxıstan, Qırğızıstan, Latviya, Rusiya, Tacikistan, Türkmənistan, Ukrayna və Özbəkistan kimi ölkələr daxildir.

Səyahətçilər Əbu-Dabiyə daxil olmaq üçün yola düşməzdən 48 saat əvvəl PCR testindən keçməli, beynəlxalq uyğunluq asossiasiyası saytında qeydiyyatdan keçməlidirlər.

Yeni qaydalar bu gün qüvvəyə minib.

Bizim.Media