Avstraliyalılar Gürcüstanda Azərbaycan sərhədinədək yeni yol inşa edir

Gürcüstan paytaxtını Kaxetiya bələdiyyəsi ilə birləşdirəcək Tbilisi-Saqareco avtomobil yolunun tikintisinə start verilir.

Bizim.Media xəbər verir ki, bu haqda informasiyanı energetikanın inkişafı nazirliyi yayıb.

Tbilisi-Saqareco yolu Azərbaycanın şimal-qərb regionuna gedən tranzit dəhlizinin bir hissəsidir. Bu hissədə nəqliyyat axınının intensivliyi əhəmiyyətli dərəcədə artır və mövcud yol əhalinin sıx məskunlaşdığı kənd və şəhərlərdən keçir: Vaziani, Sartiçala, Ninotsminda və Saqareco.

"Yeni yolun tikintisi yol hərəkətinin təhlükəsizliyini əhəmiyyətli dərəcədə artıracaq və gediş vaxtını azaldacaq", - nazirliyin məlumatında deyilir.

Nazirlikdən verilən məlumata görə, Tbilisi-Saqareco magistralında uzunluğu 31,5 kilometr olan dördzolaqlı asfalt-beton yol çəkiləcək.
Layihə Gürcüstanın dövlət büdcəsi hesabına maliyyələşdiriləcək. Yolların layihələndirilməsi işləri Dünya Bankının maliyyə dəstəyi ilə yüksək ixtisaslı Avstraliya və Amerika şirkətləri tərəfindən həyata keçirilib.

Bizim.Media