Goranboyda yaşayış yerini tərk edən koronavirus xəstəsi məsuliyyətə cəlb edilib.
DİN Mətbuat Xidmətinin Gəncə regional qrupundan Bizim.Media-ya verilən məlumata görə, koronavirus testinin nəticəsi pozitiv çıxan, rayonun Şəfəq kənd sakini Nahid Bayramovun ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib.
MÖVZU İLƏ BAĞLI:
Yaşadığı evi tərk edən koronavirus xəstəsi AŞKARLANDI - FOTO
Goranboy RPŞ əməkdaşları tərəfindən onun rayon ərazisindəki çayxanalardan birində olması aşkar edilib. O, müəyyən edilmiş tibbi prosedurlar gözlənilməklə yaşadığı evə göndərilib.
Fakla bağlı Cinayət Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, araşdırmalar davam etdirilir.
Bizim.Media
