Koronavirus əleyhinə vaksinasiya prosesində açıq qalan suallaran biri də peyvəndin iki dəfə, yoxsa daha çox vurulması ilə bağlı yaranıb.
Məlumdur ki, Ümümdünya Səhiyyə Təşkilatı, o cümlədən təşkilatın Bakı nümayəndəliyindən bildirilib ki, peyvənd olunanların 6 aydan sonra yenidən vaksinasiya olunmasına ehtiyac var.
MÖVZU İLƏ BAĞLI:
Vaksinasiya koronavirus keçirənlər üçün təhlükəlidir? - AÇIQLANDI
Bu məsələ xüsusilə vaksinasiya məsələsinə ehtiyatla yanaşanlarda narahatlıq yaradıb. 6 aydan sonra peyvənd vurulmasına ehtiyac varmı? Əgər vurularsa, bu ehtiyac bundan sonrakı 6 ay üçün də yaranacaq? Proses nə qədər davam edəcək?
Tibb üzrə fəlsəfə doktoru, infeksionist Vüqar Cavadzadə Bizim.Media-ya açıqlamasında bildirib ki, koronavirusa yoluxan bir şəxs 6 aydan sonra yenidən yoluxa bilir:
“Qanda antitellər 6 ay müddətində qalır. Daha dəqiq desək, 3 ay aktiv formada qalır, sonra təfricən azalmağa başlayır, 6 ay bitdikdən sonra isə tamamilə itir.
Ona görə də düşünürəm ki, 6 aydan sonra insanlar təkrar vaksinasiya olunmalıdırlar. Çünki bundan sonra xəstələnmə şansı yüksəkdir. Azərbaycanda hələ ki, iki mərhələdə vurulur, amma məncə 6 aydan sonra da təkrar vurulmasına zərurət yaranacaq”.
Üçüncü vaksinasiyadan sonrakı növbəti 6 ay ərzində zərurətin yaranıb-yaranmayacağına gəlincə, infeksionist deyib ki, əgər bu müddət ərzində pandemiya bitməsə, onda yenə də peyvənd vurulmalıdır.
Xatirə Nəsirli, Bizim.Media
