Bu gün yerli vaxtla saat 07:56-da Bakı şəhərindən 15 km cənub-şərq istiqamətində, Xəzər dənizinin sahilində, neft-mədən sahəsində yerləşən Lökbatan palçıq vulkanında püskürmə baş verib.
Moderator.az xəbər verir ki, vulkanın dərinliyi 4 km, püskürmənin davam etmə müddəti isə 4 dəqiqə olub.
Hazırda vulkan aktivliyi baş vermiş ərazidə təşkil edilmiş operativ qrup tərəfindən müşahidələr aparılır.
Qeyd edək ki, 1810-cu ildə qeydə alınmış Lökbatan palçıq vulkanı püskürməsinə görə, dünyanın ən aktiv beş vulkanından birincisidir.
