Ucarda güclü YANĞIN – Xəsarət alan var - FOTO

Ucarda fərdi yaşayış evi yanıb.

Bizim.Media-nın Aran bürosu xəbər verir ki, hadisə bu gün rayonun Boyat kəndində qeydə alınıb.

Belə ki, güclü yanğın rayon sakini, 1989-ci il təvəllüdlü Cümşüd Məmməd oğlu İsrafilova məxsus ümumi sahəsi 120 km olan 4 otaqdan ibarət olan evdə baş verib. Hadisə yerinə Fövqəladə Hallar Nazirliyinin Ucar Rayon Yanğından Mühafizə Hissəsinin texnikası və canlı qüvvəsi cəlb olunub.
Yanğın zamanı ev əşyaları ilə birlikdə tamamilə yanaraq külə dönüb.Yanğınsöndürənlərin səyi nəticəsində həyətdə olan digər ev yanğından mühafizə olunub. Ev sahibinin anası, 1960-cı il təvəllüdlü Rəhilə Əbləsən qızı İsrafilovanın yanğın zamanı halı pisləşib.

Hadisə yerinə Ucar Rayon Təcili tibbi yardımın həkimləri cəlb olunub və zərərçəkənə ilkin tibbi yardım göstərilib.

İlkin ehtimala görə, yanğına səbəb elektrik naqillərində yaranan qısaqapanma göstərilir.

Faktla bağlı araşdırma aparılır. 

















Aqil Əsədov, Bizim.Media, Aran bürosu