Xəbər verdiyimiz kimi Bakının Xəzər rayonunda yük avtomobili azyaşlını vurub. Söhbət D.Cəbrayılov adına 119 nömrəli tam orta məktəbin məktəbəhazırlıq sinfində təhsil alan Cahid Rzabalazadədən gedir. Türkan qəsəbəsi Ağaxan Abdullayev adına mərkəzi küçədə hərəkət edən yük avtomobili məktəbdən çıxan azyaşlını piyada keçidinin üzərində vurub. Hadisə zamanı ciddi xəsarətlər alan məktəbli 3 saylı Şəhər Klinik Xəstəxanasına (Sabunçu) yerləşdirilib.
Tibbi Ərazi Bölmələrinin İdarəetmə Birliyindən (TƏBİB) Bizim.Media-ya uşağın vəziyyəti ilə bağlı açıqlama verilib.
MÖVZU İLƏ BAĞLI:
Bakıda FACİƏ – Yük avtomobili 5 yaşlı oğlanı VURDU - ÖZƏL - FOTO
Məlumatda bildirilir ki, 5 yaşlı Cahid İlkin oğlu Rzabalazadə kəllə-beyin qarın boşluğu travması ilə xəstəxanaya daxil olub. Hazırda kamatoz vəziyyətdədir.
Qeyd edək ki, hadisə bu gün günorta saatlarında D.Cəbrayılov adına 119 nömrəli tam orta məktəbin qarşısında baş verib. Azyaşlını vuran yük avtomobili sonradan məktəbin divarına çırpılıb. Nəticədə təhsil ocağının hacarı və divarı dağılıb.
Alçina Amilqızı, Bizim.Media
