Ölkədə struktur islahatları aparılır və deyilənə görə Tələbə Qəbulu üzrə Dövlət Komissiyası (TQDK) da bu islahatların “qurbanı”x9d olacaq. Bu gün mətbuata açıqlama verən TQDK sədri Məleykə Abbaszadə TQDK-nın hansı quruma birləşdirilməsi barədə hələ ki, qərar qəbul edilməyini bildirib. xa0
Bəs görəsən TQDK-nın ləğv edilməsi və ya hansısa quruma birləşdirilməsinin nə kimi mənfi və ya müsbət tərəfləri ola bilər?
Moderator.az-ın bununla bağlı sualını təhsil eksperti Nəbatəli Qulamoğlu cavablandırıb.xa0
Ekspert TQDK-nın ləğvi və ya hansısa quruma birləşdirilməsi fikrini qənaətbəxş hesab etməyib: “Hesab edirəm ki, dövlətin qənaət tədbirindən sui-istifadə edənlər var. TQDK 20 ildən çox olan fəaliyyəti ilə bu sahədə xeyli müsbət təcrübə toplayıb və əsasən şəffaf imtahan aparır. Əgər bu qurumu ləğv etsələr, yaxud Təhsil Nazirliyinə birləşdirsələr, korrupsiya ayaq açacaq və ciddi ictimai narazılıq yaranacaq. Güman edirəm ki, TQDK yerində qalacaq. Xalqın bu quruma ciddi dəstəyi var”x9d.
Rumiyyə
