“Ermənistanın xeyrinə birtərəfli bəyanatlardan çəkinin” - XİN-dən ABŞ səfirliyinə ÇAĞIRIŞ

Amerika Birləşmiş Ştatlarının Ermənistandakı səfirliyinin bu ilin 23 sentyabr tarixində ölkənin ictimai televiziyasına verdiyi birtərəfli və real vəziyyəti təhrif edən açıqlaması ciddi təəssüf doğurur.

Bizim.Media xəbər verir ki, bu barədə XİN mətbuat xidməti məlumat yayıb.

XİN ABŞ səfirliyinə bu kimi həssas məsələlərdə məsuliyyətli mövqe nümayiş etdirməyə, Ermənistanın xeyrinə olan birtərəfli bəyanatlardan çəkinməyə çağırış edib.  

Həmçinin bildirilib ki, bu qəbildən olan yanaşma regionda sülh gündəliyinin irəli aparılmasına xidmət etmir, əksinə Ermənistandakı revanşist və separatist meylli dairələrin həvəslənməsinə və beləliklə də bölgədə gərginliyin artmasına səbəb olur.  
Eyni zamanda, bu kimi mövqe Ermənistan və Azərbaycan arasında normallaşma prosesində rol oynamağa çalışan ABŞ-ın neytrallığına və qərəzsizliyinə kölgə salır.  

Bizim.Media