Ermənistan silahlı qüvvələri bir çox istiqamətlərdə döyüş mövqelərini itirib. Düşmənin 1-ci motoatıcı alayıının tabor komandiri şəxsi heyətlə birlikdə döyüş mövqelərini ataraq geri çəkilib. Bizim.Media-nın Müdafiə Nazirliyindən aldığı xəbərə görə alayın 63-cü tank taborunun qərargah rəisi məhv edilib, 1-ci taborun komandiri və onun müavini Gevorq Makaryan isə yaralanıblar.
Bundan başqa, 5-ci dağatıcı alayın taborunun şəxsi heyətinin bir qismi məhv edilib, digərləri isə döyüş mövqelərini özbaşına tərk edib. Ölənlər arasında tabor komandirinin müavini mayor Hayk Stepanyan da var. Alayın bölmələrində ərzaq, yanacaq və döyüş sursatlarının çatışmazlığı var.
