Xankəndi şəhərində ilk Azərbaycanşünaslıq mərkəzi açılıb.
Bizim.Media xəbər verir ki, bu barədə “Genesis Ermənistan” Fondunun mətbuat xidməti məlumat yayıb.
Karo Karapetyan adına Mərkəz lazımi avadanlıq və əmlakla təchiz olunub, o, qondarma rejimin “Dövlət Universiteti”nin binasında yerləşir.
Təşəbbüs Karapetyanın həyat yoldaşı və oğullarının, həmçinin “Genesis Ermənistan” Fondunun səyləri ilə həyata keçirilib.
Birinci mərhələdə Qarabağda müvəqqəti yaşayan ondan çox erməni Azərbaycan dilini pulsuz öyrənə biləcək. Layihənin məqsədi milli və dövlət maraqlarından xəbərdar olan savadlı, eləcə də Azərbaycan dilini bilən şəxslər hazırlamaqdır.
Bizim.Media
