Xəbər verdiyimiz kimi, martın 5-də Ankarada Prezident İlham Əliyev və Prezident Rəcəb Tayyib Ərdoğanın iştirakı ilə İğdır-Naxçıvan qaz kəmərinin videobağlantı formatında açılış mərasimi keçirilib.
Bizim.Media xəbər verir ki, mərasimdə çıxış edən dövlət başçıları Azərbaycan və Türkiyə arasında əzəli qardaşlıq və dostluq münasibətlərini xüsusi vurğulayıblar.
MÖVZU İLƏ BAĞLI:
İlham Əliyev və Ərdoğan İqdır-Naxçıvan qaz kəmərinin AÇILIŞ MƏRASİMİNDƏ - VİDEO
Türkiyə Prezidenti Rəcəb Tayyib Ərdoğan çıxışında “Bir millət, iki dövlət” şüarını xatırladıb:
““Bir millət, iki dövlət” şüarı ilə formalaşan qardaşlıq münasibətlərimizdə hər sahədə böyük irəliləyişlər əldə edirik. Ölkələrimiz arasındakı münasibətlər müdafiədən ticarətə qədər çox geniş sahədə daim inkişaf edir. Rəbbim birliyimizi, həmrəyliyimizi, sevgimizi daimi etsin”.
Liderlərin çıxışları ilə yanaşı, çəkilən fotolarla da iki ölkə arasındakı səmimi və əbədi qardaşlıq münasibətinə diqqət çəkilib.
Bizim.Media
