““Zəngəzur dəhlizi” termini Rusiyada birbaşa işlədilmir”.
Bizim.Media xəbər verir ki, bunu Rusiya Xarici İşlər Nazirliyinin sözçüsü Mariya Zaxarova çərşənbə günü keçirdiyi brifinqdə qeyd edib.
“Biz bu terminologiyadan istifadə etmirik. Rusiya sərhədçilərinin Ermənistan-İran və Ermənistan-Türkiyə sərhədlərində olmasına gəlincə, bu, tamam başqa mövzudur”, - Zaxarova deyib.
Kommunikasiyaların bloklanması mövzusunda Rusiyanın mövqeyi ilə bağlı sualı cavablandıran Zaxarova bildirib ki, buna artıq şərh verilib:
“Bu məsələ ilə bağlı mövqeyimiz çox yaxşı məlumdur və dəyişməyib. Bu, müvafiq formatlarda həll olunur və biz lazım olan hər şeyi edirik”.
Bizim.Media
