Vüqar Əhəd oğlu Süleymanov Azərbaycan Respublikasının Minatəmizləmə Agentliyinin İdarə Heyətinin sədri təyin edilib.
Bizim.Media-nın xəbərinə görə, bu barədə Prezident İlham Əliyev sərəncam imzalayıb.
Qeyd edək ki, V. Süleymanov bu təyinatadək Ekologiya və Təbii Sərvətlər Nazirliyində Aparat rəhbəri işləyib.
Qeyd edək ki, V.Süleymanov 7 may 1965-ci ildə anadan olub. M.V.Lomonosov adına Moskva Dövlət Universitetinin tarix fakültəsi və Azərbaycan Dövlət İqtisad Universitetinin xarici iqtisadi əlaqələr sahəsində iqtisadçı ixtisasını bitirib.
1988-ci ildən 1994-cü ilədək Bakı Dövlət Universitetində elmi-pedaqoji fəaliyyətlə məşğul olub.
1994-2002-ci illərdə özəl təşkilatlarda çalışıb.
2002-2005-ci illərdə Azərbaycan Respublikası Ərazilərinin Minalardan Təmizlənməsi üzrə Milli Agentlikdə (ANAMA) Partlamamış hərbi sursat əməliyyatları üzrə mütəxəssis; 2005-2018-ci illərdə özəl təşkilatlarda çalışıb.
2018-2020-ci illərdə Ekologiya və Təbii Sərvətlər Nazirliyində baş məsləhətçi, şöbə müdiri vəzifəsində işləyib.
21.04.2020-ci il tarixdən bu günədək Ekologiya və Təbii Sərvətlər Nazirliyinin Aparat rəhbəri vəzifəsində işləyirdi.
Ailəlidir, 3 övladı var.
Bizim.Media
- A-
- A
- A+
Siyasət
13:03 / 04.02.2021
Prezident Vüqar Süleymanovu yüksək vəzifəyə təyin etdi
Hazırda oxunan: Prezident Vüqar Süleymanovu yüksək vəzifəyə təyin etdi
Hazırda oxunan: Prezident Vüqar Süleymanovu yüksək vəzifəyə təyin etdi
10755
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
