Qarabağla bağlı üçtərəfli bəyanatın imzalanması və Paşinyan hökumətinə etirazlar davam edir.
Bizim.Media “Sputnik Artmenia”ya istinadən xəbər verir ki, Ermənistanda etiraz aksiyasının iştirakçıları Parlament binasının önündən Hökumət Evinə istiqamətlənib.
Mitinq iştirakçıları müxtəlif vətənpərvər mahnıların sədası altında polisin müşayiəti ilə artıq Baqramyan və Maştoç prospektlərini keçiblər.
Qeyd edək ki, bundan əvvəl etirazçılar Parlamentin önünə yığışaraq Paşinyanın istefasını tələb edirdilər.
Deputat Sisak Qabrielyanla bağlı insident də məhz həmin aksiyada baş vermişdi. Belə ki, aksiyaçılar onun avtomobilini yumurta atəşinə tutandan sonra deputat maşından düşərək etirazçıları yumruqlamışdı.
Bizim.Media
