Ermənistan parlamentinin Xarici əlaqələr üzrə daimi komitəsinin sədri Sarqis Xandanyan və ABŞ Konqresinin Xarici əlaqələr komitəsinin nümayəndəsi Lens Kokonos arasında görüş keçirilib.
Bizim.Media xəbər verir ki, bu barədə Ermənistan parlamentinin mətbuat xidməti məlumat yayıb.
Məlumata görə, görüş zamanı tərəflər TRIPP layihəsinin reallaşdırılmasının vacibliyini müzakirə ediblər, həmçinin yaxın perspektivdə bu istiqamətdə görüləcək gələcək işlər və praktiki addımlar barədə fikir mübadiləsi aparıblar.
Tərəflər Ermənistan-Azərbaycan və Ermənistan-Türkiyə münasibətlərinin normallaşması prosesindəki son vəziyyətdən də danışıblar.
Bizim.Media
