Xersonda gecə və səhər saatlarında Rusiya dronlarının endirdiyi zərbələr nəticəsində iki nəfər xəsarət alıb, mülki infrastruktur zədələnib.
Bizim.Media xəbər verir ki, yerli administrasiyanın məlumatına görə, gecə saat 23:00 radələrində Dnepr rayonunda 48 yaşlı kişi partlayış travması, beyin silkələnməsi və baş, bədən, qol və ayaqlarda çoxsaylı qəlpə yaraları alıb.
O, orta ağır vəziyyətdə xəstəxanaya yerləşdirilib.
Səhər Korabel rayonuna endirilən zərbə supermarketə, çoxmərtəbəli binalara və avtomobilə ziyan vurub.
Hücum zamanı 52 yaşlı qadın beyin silkələnməsi, qapalı kəllə-beyin travması və üzündə, belində qəlpə yaraları alaraq xəsarətlənib. O da orta ağır vəziyyətdə xəstəxanaya çatdırılıb.
Bizim.Media
