“Rusiya və ABŞ arasında əlaqələr davam edir, lakin hazırda Vaşinqton və Kiyev arasında aparılan danışıqların heç bir nəticəsi rəsmi şəkildə Moskvaya çatdırılmayıb”.
Bizim.Media xəbər verir ki, bunu jurnalistlərə açıqlamasında Rusiya prezidentinin mətbuat katibi Dmitri Peskov bildirib.
“Təmaslar həyata keçirilir. Amma müzakirələr hələ davam etməyib. Ona görə də Kiyevdən hər hansı konkret bəyanat eşitməmişik. Nəticələr bizə hələ təqdim olunmayıb”, – Kreml nümayəndəsi deyib.
Peskov vurğulayıb ki, Rusiya tərəfi danışıqların gedişatını izləməyə və daxil olan məlumatları təhlil etməyə davam edir:
“Rəsmi mövqe formalaşdırmadan əvvəl bütün məlumatlar diqqətlə araşdırılır”.
Bizim.Media
