Ermənistanda yük maşınlarının sürücülərini Rusiyanın miqrasiya planına ETİRAZ ETDİLƏR

Ermənistanda yük maşınlarının sürücüləri miqrasiya probleminin həll olunmayacağı halda yolları bağlayacaqlarını bəyan ediblər.

Bizim.Media xəbər verir ki, bu barədə erməni mətbuatı yazıb.

Mənbə qeyd edir ki, Ermənistanda yükdaşıma ilə məşğul olan sürücülər hökumət binası önündə etiraz aksiyası keçiriblər. Onlar Rusiyaya giriş üçün miqrasiya məhdudiyyətlərinin aradan qaldırılmasını tələb edirlər.

Aksiya iştirakçıları hökumətdən problemin həlli üçün dəqiq müddət və mexanizm açıqlanmasını istəyiblər.

Sürücülərin sözlərinə görə, iqtisadiyyat naziri Gevork Papoyan daha əvvəl bu məsələni həll edəcəyi barədə vədlər versə də, indiyədək heç bir real addım atılmayıb.

Etirazçılar xəbərdarlıq ediblər ki, tələbləri cavabsız qaldığı təqdirdə, ölkənin əsas magistral yollarını bağlayacaqlar.

Bizim.Media