Ermənistanı Türkiyə ilə danışıqlarda təmsil edən Rubinyan TƏNQİD OLUNDU - "Əsəbi, isterik..."

"Bu gün Ermənistan parlamentində baş verən hadisə sübut etdi ki, bu hakimiyyət dövründə Ermənistan-Türkiyə prosesi Ermənistan üçün növbəti mövcudluq probleminə çevrilir". 

Bizim.Media xəbər verir ki, bu fikirləri Ermənistanın Respublika Partiyasının sədr müavini Armen Aşotyan öz Facebook səhifəsində yazıb.

O, bugün parlamentdə baş verən hadisə haqqında qısaca yazacağını qeyd edib:

1. Ruben Rubinyan sübut etdi ki, bu hakimiyyət dövründə Ermənistan-Türkiyə prosesi Ermənistan üçün növbəti mövcudluq probleminə çevrilir.

2. Ermənistanı əsas müzakirəçi kimi təmsil edən əsəbi, isterik bir şəxs mövcud təhlükələri daha da gücləndirir.

3. Mərasim və texniki məsələlərlə yanaşı, bu proses diqqətlə öyrənilməli,  gündəliyinə və diasporun cəlb edilməsinə görə tənqid edilməlidir.

4. Türkiyəli həmkarı ilə görüşdən ilhamlanan adam özünü BAYRAKTAR-ın yerinə qoymağa çalışsa da, əslində o, heç bir işə yaramayan “Kukuruznikdir”.

Xatırladaq ki, Ruben Rubinyan Ermənistanın Türkiyə ilə danışıqlar üçün xüsusi nümayəndəsi və Ermənistan parlamentinin vitse-spikeridir.

Yanvarın 14-də onun Moskva şəhərində türkiyəli həmkarı Serdar Kılıçla ilk görüşü olub.

Bizim.Media