“İranın Səhiyyə nazirinin tədqiqat və texnologiya işləri üzrə müavini Rza Məlikzadə istefa verib”.
Bizim.Media İran mətbuatına istinadən xəbər verir ki, o, nazir Səid Nəməki və onun koronavirus böhranının idarə edilməsi ilə bağlı yanaşmasına qarşı tənqidi bəyanat yayıb.
O, istefasının səbəbini Nəməkinin tibb mütəxəssisləri və tədqiqatçılarının tövsiyə və xəbərdarlıqlarına məhəl qoymadan pandemiyanı çox səhv və qüsurlarla dolu idarə etməsi və onun bu səhv idarəçiliyi nəticəsində İranda koronavirusdan çoxlu sayda insanın ölməsinə səbəb olması ilə əlaqələndirib.
Rza Məlikzadə qeyd edib ki, istefasına səbəb olan əsas amillərindən biri də Səid Nəməkinin hələ ki, ilkin mərhələdə olan və effektiv olub- olmayacağı məlum olmayan İranın istehsalını planlaşdırdığı koronavirus vaksini barədə qeyri- elmi və şişirdilmiş çıxışıdır.
Bizim.Media