“Bakıda 316 məktəb var, onlardan 308-i ümumtəhsil müəssisəsidir. Karantin rejiminin yumşalması ilə əlaqədar Nazirlər Kabinetinin qərarına əsasən, fevralın 1-dən əyani tədris prosesi başlayacaq”.
Bizim.Media-nın məlumatına görə, bunu jurnalistlər üçün “Tədrisin ənənəvi formasının bərpası” mövzusunda keçirilən onlayn seminarda Bakı Şəhəri üzrə Təhsil İdarəsinin müdiri Mehriban Vəliyeva deyib.
MÖVZU İLƏ BAĞLI:
Dərslər həftədə 3 dəfə olacaq
Onun sözlərinə görə, fevralın 1-dən məktəbəqədər qruplar, ibtidai siniflər həftədə 3 dəfə əyani təhsilə keçə biləcəklər, sonrakı 2 həftə ərzində V-IX siniflər barədə qərar qəbul olunacaq:
“Fevralın 1-dən hibrid tədrisi yenidən təşkil edəcəyik, əyani ilə yanaşı, distant forma da davam etdiriləcək“.
Bakı məktəblərində fevral ayının 1-dən 274 məktəbdə 1092 sinif, 27122 uşaq əyani məktəqədər təhsilə başlayacaq. Eyni zamanda 44904 şagird I-IV siniflərdə əyani təhsilə davam edəcək.
O bildirib ki, əyani təhsilin niyə 3 gün olmasına gəldikdə, bu, bizdən asılı deyil, mövcud qaydalara uyğun verilən qərardır.
Bizim.Media
