Son günlər Azərbaycan ərazisində palçıq vulkanlarının aktivləşməsi zəlzələ ocaqları ilə də əlaqəli ola bilər.
Mütəxəssislər fikirləşir ki, palçıq vulkanları həm də zəlzələlərin yaratdığı qazın Yerin tərkindən xilas olmasıdır.
Baş seysmoloq Qurban Yetirmişli Bizim.Media-ya açıqlamasında bildirib ki, dekabr ayından bu günə kimi 30-40 zəlzələ müşahidə olunub: “Düzdür, onların balı çox zəif qeydə alınıb”.
MÖVZU İLƏ BAĞLI:
Şamaxıda 27 min kubmetr vulkan məhsulu 3 hektar əraziyə yayılıb
“Ölkə ərazisində dağıdıcı zəlzələlər gözlənilirmi?” sualına isə baş seysmoloq belə cavab verib:
“Bildiyiniz kimi, zəlzələ Şahbuzda oldu. Yerin daxilində nəfəsalmaya bənzər hərəkətlər var. Orda böyük piltələr parçalanır.
Torpağın altında həm şaquli, həm də horizontal hərəkətlər var, bloklar arasında tektonik qırılmalar da olur.
Birinin hərəkəti öndə olandan böyükdür. Müəyyən bir dövrdə sıxılmalar müşahidə edilir. Bu zaman böyük parçalanma baş verir və güclü enerji dalğası yaranır.
Hazırda bizim institutun əməkdaşları vulkan püskürən ərazidədirlər. Və hansısa zəlzələnin bu vulkanın püskürməsinə səbəb olduğu araşdırılır”.
Gülşanə Mustafayeva, Bizim.Media
