Mustafa Şentop Ermənistanın Azərbaycanın mülki əhalisinə hücumlarını pisləyib və təcavüzə məruz qalan Gəncə şəhərinə getməyi planlaşdırdığını vurğulayıb.
Spiker deyib ki, TBMM İnsan haqları komitəsinin altkomitəsində Dağlıq Qarabağ da daxil olmaqla müharibə zonalarında insan haqlarının pozulması halları araşdırılır və Ermənistanın Azərbaycanın mülki əhalisinə qarşı işlətdiyi insanlıq əleyhinə cinayətlər barədə də məruzə hazırlanacaq.
Baş Nazir Əli Əsədov isə Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə rəşadətli Azərbaycan ordusunun 2 şəhər, 1 qəsəbə və 71 kəndi işğaldan azad etdiyini diqqətə çatdırıb. Qeyd olub ki, Azərbaycan üçün çox mürəkkəb bir dövrdə Türkiyənin Prezidenti Rəcəb Tayyib Ərdoğan başda olmaqla Türkiyənin bütün rəhbərliyi, türk xalqı Azərbaycanın yanında olub. Baş nazir göstərilən dətəyə görə minnətdarlığını bildirib.
Görüşdə Türkiyə və Azərbaycan arasında ticari əməkdaşlığa da toxunulub, birgə həyata keçirilən enerji layihələrinə diqqət çəkilib.
