Mixail Saakaşvili SİYASƏTDƏN GETDİ - "Həyatımı xilas edirəm..."

Gürcüstanın keçmiş prezidenti Mixail Saakaşvili siyasətdən gedəcəyini bildirib.

Bizim.Media "Sputnik Gürcüstan"a istinadən xəbər verir ki, bu barədə onun vəkili Valeri Qelbaxiani açıqlama verib.

"Keçmiş prezidentin siyasətdən getməsinin səbəbi həyatını xilas etməkdir. Bunun əsasında bütün suallar aradan qaldırılıb. İndi söhbət onun həyatı və ölümündən gedir, siyasətdən yox!", - deyə V.Gelbaxiani bildirib.

Vəkil vurğulayıb ki, eks-prezident sədri olduğu Vahid Milli Hərəkat Partiyasını da tərk edir.

Qeyd edək ki, M.Saakaşvili səhhəti pisləşdiyi üçün mayın 12-də köçürüldüyü “Vivamed” özəl klinikasında müalicəsini davam etdirir.

Gürcüstanın eks-prezidenti 2021-ci il oktyabrın 1-də ona qiyabi olaraq verilən iki hökm əsasında saxlanılıb. O, məhkəmədə 6 il həbs cəzası alıb.

Oral Mədənçi, Bizim.Media