Nazarbayev “Nur Otan” partiyasını təbrik etdi - Parlament seçkilərində qalib gəlib

Hakim “Nur Otan” partiyasının sədri Nursultan Nazarbayev partiyadaşlarını Qazaxıstanda keçirilən parlament seçkilərində inamlı qələbə münasibətilə təbrik edib.

Bizim.Media xəbər verir ki, bu barədə məlumatı "centralasia.media" nəşri yayıb.

"Qazaxıstanlılar ölkəmizin daha da inkişafını, rifah halının yaxşılaşdırılmasını partiyamızla əlaqələndirirlər",- deyən Nazarbayevin partiyasının seçki qərargahı “exit poll”un nəticələrinə istinad edərək “Nur Otan”ın səslərin yüzdə 71,9-nu aldığını söyləyib.

Qazaxıstanın keçmiş prezidenti partiyanın qələbəsini “böyük koordinasiyalı iş”in nəticəsi adlandırıb və partiya üzvlərinə təşəkkür edib.

“Texnoloji və təsirli bir kampaniya aparılıb. Özümüzü yenilədik, sıralarımızda əhali arasında həqiqi nüfuza sahib yeni liderlər meydana çıxdı. Hər bir rayonun, şəhərin və bölgənin inkişafı üçün milli proqramlar hazırlandı. "Nur Otan"gerçək işlərin, aydın hədəflərin partiyasıdır” deyib Nazarbayev.

MSK-nın məlumatına görə, Qazaxıstanda parlament seçkiləri bazar günü 63,3% iştirakla keçirilib.

Anketlərdə "Ak Jol" Demokrat Partiyası 10,2 faiz səslə və Qazaxıstan Xalq Partiyası 9-9,5 faiz səslə parlamentin aşağı palatasına daxil olub. 

Qalan partiyalar seçki anketlərinə görə, ölkə parlamentinin aşağı palatasına daxil olmaq üçün tələb olunan səslərin 7% -ni qazana bilməyiblər.

Bizim.Media